Një zjarr i madh ka përfshirë fshatrat Sazli dhe Mirash, duke ngritur një tym të dendur mbi qiellin e zonës. Redaksia e Arbresh.info ka marrë pamje që tregojnë përmasat e zjarrit.

Policia ka konfirmuar se zjarrfikësit dhe patrullat kanë dalë menjëherë në vendin e ngjarjes për të menaxhuar situatën.

“Ju njoftojmë se sot, më 19 korrik 2025, rreth orës 12:15, kemi pranuar një informacion nga Njësia e Zjarrfikësve se është raportuar një zjarr fushor në mes të fshatrave Mirash dhe Sazli. Menjëherë pas pranimit të informacionit, dy ekipe të zjarrfikësve kanë dalë në vendin e ngjarjes dhe janë duke punuar intensivisht për shuarjen e zjarrit. Për momentin, nuk ka informacione të sakta lidhur me shkaktarin apo dëmet eventuale, pasi ekipet janë ende në terren duke e menaxhuar situatën. Për çdo zhvillim të mëtejmë, do të jeni të informuar me kohë”, ka thënë për Arbresh.info, zëdhënësi i Policisë për Rajonin e Ferizajt, Kanun Veseli./Arbresh.info